Safarilivet

No saknar eg vedomnen og trehuset heime. Fysj så kaldt det er i desse murhusa (og det allereie i oktober). Eg får vell førebu meg på at frosten snart kjem og at det blir enda kaldare. Det hadde jo hjelpt litt dersom eg hadde skrudd opp varmen her på rommet, men diverre er det ikkje eg som styrer den. Eg bur i Tyskland og her sparer me på alt. Eg er òg ganske miljøbevisst, men eg vil ikkje gå i boblejakke inne heller. Ein plass går grensa.

Sortering av glas (i 3 fargar!!)

I desse dagar driv Naturfreundejugend å flyttar til eit nytt og større kontor. Eg er den heldige som får pakka flyttelasset. Eg har aldri hatt støvallergi før, men det forundrar meg ikkje om eg får ein etter dette. Utan om pakking av bøker og permar, har eg òg fått lov til å bore hol i veggen og skru fast lister på det nye kontoret. Det var ikkje eit spesielt lett arbeid – det var tungt! Det er kanskje på tide å begynne å klatre litt igjen, når ein har problem med å skru fast ein skrue.

I går var eg på IKEA. Då følte eg meg nesten heime. Nesten. Turen til Ikea var ganske så festeleg. Først tok me (ei veninne og eg) trikken til feil stopp. Sidan måtte me vente på neste trikk og det tok vell ca 10 min. Då me endeleg kom fram til busshaldeplassen, var det sjølvsagt ikkje vår buss som sto der. Den neste skulle kome ein time seinare. Me bestemte oss for å gå til Ikea.

Me fannt Ikea!