Mine fakta om Zürich: Sentrum er ganske oversiktleg og lite, togstasjonen er diger og uoversiktleg (altså i lag  med t- og s-bahn), trafikklysa for fotgjengerar er delt i tri fargar; raudt, grønt og gult, pengane deira ser ut som leikepengar, det finns mange rikmannsbutikkar der og sjølvsagt er det ein fin by!

Liggestolane i CNL

Innsjø i Zürich

Hanna i Zürich sine gater

Kastanjenøtter

Trafikklys

Då eg endeleg kom fram, vart eg henta av Oma og det var kjekt å sjå ho igjen. Det første ho spurte meg om, var om eg hadde tatt med skittentøy og det hadde eg sjølvsagt. Dagen etter var eg mykje i lag med søskenbarna mine. Me perla smykke, laga negerboller, spelte ligretto, eg vart spreia full av kokos-balsamspray (eg lurer enda på korleis eg kom levande i frå den stanken) og sminka med så mykje sminke at eg fekk ein allergisk reaksjon (eg såg iallefall ut som ei tomat ETTER at sminka var fjerna). På søndagen plukka me nøtter, Oma laga yndlingsmiddagen min og tanten min fekk tak i ein brukt sykkel til meg. Jippi. Alt i alt, var det ei avslappande helg.

Heimreisa gjekk ganske bra, med unntak av at eg hadde litt problem med å få sykkelen opp rulletrappene som sto i omlag 90° vinkel. Ein ting er jo å halde sykkelen, men i tillegg å ha den baktunge sekken var ei utfordring. Eg kan vera ganske så glad for at eg ikkje for andre vegen ned trappa.

I dag er det onsdag og eg må pakke til i morgon, for natt til fredag er eg på reis igjen. Neste stopp: Zürich!

Når eg ikkje tenkjer på vêret, er eg på jobb. Ei av arbeidsoppgåvene mine hos Naturfreunde, er å ha eit ‘Fritidstilbod’ for to små grupper med ungar. Det heiter Umweltspürnasen og me gjer alt frå å presse blader til å lage flytande modellkittfiskar (sist nemnt blei eit forferdeleg griseri og skal ikkje gjentakast). Ungane var ganske kreative, men då dei var ferdige var det meir kitt på bordet enn på fisken. Det måtte jo sjølvsagt vaskast vekk og kollegaen min og eg var dei heldige som fekk lov til å gjera den jobben. Sist veke leika me òg “Fisken i det røde hav” på tysk i lag med dei. Den fantastiske omsetjinga mi var slik: “Fische in das Rote Meer, welche Farbe brauchen wir um rüber zu kommen?” Det var utruleg moro.

No har eg begynt å bli kjent med Erfurt. Kartet treng eg iallefall ikkje lenger! Eg slit pittelitt når det er mørkt, for då ser alt annleis ut. Men dersom eg følgjer trikkespora går det som regel godt. Sist søndag gjekk eg ein tur i parken, for å strikke vidare på den halve selbuvotten (den er enda ikkje ferdig). Ei gamal dame sat seg ved sida av meg og me kom i snakk. Me snakka om laust og fast. Ho sa noko som dette etter at me hadde snakka litt om arkitektur: «Det er så kjekt å høyre at ungdommar ikkje berre er interessert i popmusikk, sjølv om noko av den musikken og kan vera ganske bra.» Det var veldig hyggeleg å snakka med ho og ho gav meg fleire titals tips om alt eg kunne gjera og oppleva i Thüringen.

Denne helga var ikkje like roleg som sist helg. I går vart eg invitert til ein ‘liten’ kollektivfest, som til og med hadde sin eigen DJ på besøk. Politiet kom to gonger på døra, grunna for mykje lyd (det er kanskje ikkje så rart med tanke på at det var over 30 stykk der). Då dei kom for andre gang, måtte alle forlate festen. Me var ei gruppe på 10 som for heim til ein annan. Der fekk eg spørsmål om å kome med eit musikkynskje og eg følte at eg nesten måtte foreslå noko norsk. Eg foreslo då: Admiral P med «Snakke Litt» og Gabrielle med «Ring meg». Begge songane falt i smak!! Det var moro. Dei likte spesielt Admiral P sin song, men den er jo ganske festleg.

Elles ser eg fram til helga, for då reiser eg på besøk til slekta i Rüdesheim.

Og ja, det er snart desember og då reiser eg heim til Noreg. Eg gledar meg visst til det.

Sortering av glas (i 3 fargar!!)

I desse dagar driv Naturfreundejugend å flyttar til eit nytt og større kontor. Eg er den heldige som får pakka flyttelasset. Eg har aldri hatt støvallergi før, men det forundrar meg ikkje om eg får ein etter dette. Utan om pakking av bøker og permar, har eg òg fått lov til å bore hol i veggen og skru fast lister på det nye kontoret. Det var ikkje eit spesielt lett arbeid – det var tungt! Det er kanskje på tide å begynne å klatre litt igjen, når ein har problem med å skru fast ein skrue.

I går var eg på IKEA. Då følte eg meg nesten heime. Nesten. Turen til Ikea var ganske så festeleg. Først tok me (ei veninne og eg) trikken til feil stopp. Sidan måtte me vente på neste trikk og det tok vell ca 10 min. Då me endeleg kom fram til busshaldeplassen, var det sjølvsagt ikkje vår buss som sto der. Den neste skulle kome ein time seinare. Me bestemte oss for å gå til Ikea.

Me fannt Ikea!

Til saman var me 21 frivillige. Alt i frå russarar til kinesarar (ok, det var berre ei i frå Kina) var på seminaret. Me lærte om identitet, rettar og plikter, forsikring, tysk historie, andre kulturar, leikar, språk og mykje anna. I tillegg lærte me om kvarandre sine interesser. Eg hadde eit dramakurs for ei lita gruppe. Dei skulle dramatisere “De tre bukkene bruse” på tysk. Det var utruleg moro å sjå på. Sjølv deltok eg på eit photoshopkurs og på eit sjongleringskurs. Begge deler var veldig kjekt. Eg har som mål å lære meg å sjonglere før nyttår. Eg har laga tre ballar av ballongar, ris og nylonstrømpebukser.

Desse ti dagane gjekk utruleg fort og eg saknar den sprø gjengen av frivillige. Me var med kvarandre dagen lang. Det var nesten som å gå på folkehøgskule, berre at me måtte lage middagen (altså 8/9-tida) sjølv. Kveldane vart òg veldig lange for nokre. Me spelte billiard, fotballspel, ping pong, kortskalle, 10000 (eg lærte dei det festelege spelet) og høyrte god musikk. Heldigvis begynte me først kl 09.30 kvar morgon.

No er eg som sagt tilbake i Erfurt og eg har fri til neste tysdag faktisk, for på måndag er det 3.oktober. Det er herleg å ha fri. Eg har vaska og rydda rommet. Dei nyvaska kleda mine heng til tørk i sola og eg går i shorts. Her er det varmt! Til helga reiser eg til familien i Rüdesheim og blir der over nasjonaldagen. Eg gledar meg!

Livet i Witzenhausen

Sjongleringsballar

Raud= der eg gjekk, grøn= der eg burde ha gått

I dag skal eg prøve å gå bort til vaskesalongen for å vaske klær, for me har ikkje vaskemaskin her i kollektivet. Skittentøy, donaldkryssord og strikketøy får bli med meg bort.

Elles masar kollegane mine på meg om at me må laga norsk middag i lag. Kva er typisk norsk mat?

Det var besteforeldrene mine som frakta flyttelasset mitt og meg til denne vakre byen. Den eine parten hjalp også til med å rydde inn flyttelasset på det nye rommet. Då me var ferdige, køyrte dei meg til kontoret som eg skal arbeide i. Besteforeldrene mine reiste heim og eg sa hei og hallo til dei nye kollegane. Sidan fekk eg eit google-map-kart som viste meg vegen til turistkontoret, der eg fekk tak i eit skikkeleg turist-bykart. Det vart sjølvsagt eit par dagar med byorientering. Eg trur at eg har vore igjennom dei fleste (men absolutt ikkje alle!) gatene i sentrum no. Ved hjelp av kartet fekk også registrert meg her i Erfurt, fekk tysk simkort og fekk tysk konto.

Den første arbeidsdagen var hard, sjølv om eg ikkje gjorde så veldig mykje arbeid akuratt. Det at eg måtte stå opp halv sju om morgonen, var vell kanskje den vanskelegaste delen av arbeidsdagen. Det me gjorde var å besøke ein skuleklasse, som hadde eit høgt støynivå. Me gav dei oppgåver, der dei måtte samarbeide, for å skape eit betre klassemiljø. Det var utruleg spanande og eg ser fram til kvar arbeidsdag.

I tillegg til å arbeida har eg òg blitt kjent med nokre hyggeleg menneske. Heldigvis, elles hadde eg vell lengta enda meir etter gode gamle vener, familie og Noreg generelt. Ja, Tyskland er langt vekke. Eg ser fram til alle framtidige besøk i frå Noreg og verda elles. Sånn seriøst, Erfurt er ein utruleg fin by. Det er min andre favorittby ved sidan av Paris. Så det er berre til å pakka sekkar og koffertar og kome seg til Erfurt. Eg står klar med det norske flagget (som eg foresten fekk av romkameraten som velkomstpresang).

Erfurt, utsikt frå eit tårn

Smale hus i Erfurt

]]> http://hwillig.wordpress.com/2011/09/04/erfurt-til-no/feed/ 6 katjakaj Erfurt 1 Erfurt 2 http://hwillig.wordpress.com/2011/07/27/sommarferie/ http://hwillig.wordpress.com/2011/07/27/sommarferie/#comments Wed, 27 Jul 2011 22:32:08 +0000 katjakaj http://hwillig.wordpress.com/?p=183 ]]> Sommar’ferien’ på Sand er snart forbi. Til no har eg jobba i fleire veker, men i morgon har eg ferie og då reiser eg til Tyskland. Først skal eg vera med på ein speidarleir i ei veke på Lorelei og sidan skal eg jobbe som frivilleg i Erfurt.